لە زاخۆ

کەسێکی تەمەن 70 ساڵ بە دەستڕێژی گوللە کوژرا

21:03

964+

شۆڕش قادری

لە زاخۆ هاوڵاتییەکی تەمەن 70 ساڵ بە دەستڕێژی گوللە کوژرا.

بەڕێوەبەرایەتی پۆلیسی زاخۆ لە راگەیەنراوێکدا دەڵێت، “نزیک کاتژمێر 6:30 خولەکی ئێوارەی ئەمڕۆ 21.10.2024 کەسێک بە ناوی (ع،ی، أ) و تەمەن 70 ساڵ لە گوندی زرێزە لە سنووری قەزای باتیفا، بە دەستڕێژی گوللە کوژرا”.

ئاماژەی بەوەشکرد، ئەو کەسە چوار گوللەی بەر جەستەی کەوتووە و تەرمەکەی رەوانەی پزیشکی دادی زاخۆ کراوە.

ئەوەش خراوەتەڕوو، دوای رووداوەکە دەستبەجێ تیمەکانی نووسینگەی نەهێشتنی تاوانی باتیفا و بنکەی پۆلیسی بێگۆڤا چوونەتە شوێنی رووداوەکە و لێکۆڵینەویان لەوبارەیەوە، دەستپێکردووە.

پۆلیسی زاخۆ هیچ ئاماژەیەکی بە دەستگیرکردن یان هەڵاتنی بکوژەکە نەکردووە و زانیاری زیاتری لەوبارەیەوە ئاشکرا نەکردووە.