دوو دیمهنى كاتى بهسهركردنهوهى بیرى گه‌ڕه‌كه‌كانى هه‌ولێر... وێنه: بهڕێوهبهرایهتى ئاوى هه‌ولێر.
سامپڵ وه‌رده‌گرن و كلۆر به‌كارده‌هێنن
پشكنین بۆ ئاوى خواردنه‌وه‌ى نزیكه‌ى 10 گه‌ڕه‌كى هه‌ولێر كرا
964+
فه‌رهاد حه‌سه‌ن
تیمی به‌ڕێوه‌به‌رایه‌تیى ئاوى هه‌ولێر، پشکنینی بۆ نزیكه‌ى 10 سه‌رچاوه‌ى بیرى ئاوی گه‌ڕه‌كه‌كانى هەولێر كرد، بۆ ئه‌وه‌ى دڵنیا ببنه‌وه له ته‌ندروستبوونى بیره‌كان.
گەڕەکەکانی پیرزین، مامۆستایان، باداوە، سەروەران، شادی، بەختیاری، خانزاد و سەربەستی له هه‌ولێر له‌و گه‌ڕه‌كانه‌ن، كه پشكنین بۆ بیره‌كانیان كراوه.
بەڕێوەبەرایەتیی ئاوی هەولێر ده‌ڵێت، تیمی هۆبەی کۆنتڕۆڵی جۆرییان بەردەوامە بۆ پشکنینی سەرچاوەکانی ئاوی خواردنەوە بۆ هاوڵاتیان، هەروەها دابینکردنی کلۆر و وەرگرتنی سامپڵی تێستکردنی ئاو و پشکنین و چارەسەرکردنی ئەو ئامێرانەی، کە کێشەیان هه‌یه.
ئاماژه‌ى به‌وه‌ش كرد، هه‌ر یه‌كێك له‌و بیرانه كێشه و گرفتى هه‌بووبێت سامپڵى ئاوه‌كه‌یان بردووه بۆ پشكنین و كێشه ته‌كنیكییه‌كانیان چاره‌سه‌ر كردوون.
