لە سلێمانی
خاوەنی ئۆتۆمبێلە بێ سەرەتاکان گردبوونەوە
964+
دیلان محەمەد – سلێمانی
ژمارەیەک لە خاوەنی ئۆتۆمبێلی بێسەرەتا لە پارکی هەواری شار لە سلێمانی گردبوونەوە و داوا دەکەن وەزارەتی ناوخۆی هەرێم کارتی رێگەپێدانیان پێبدات.
سوارە عومەر نوێنەری خاوەن ئۆتۆمبێلە بێ سەرەتاکان بە 964ـی وت، “ئەمرۆ سێشەممە 15.10.2024 گردبووینەتەوە و داوا لە وەزارەتی ناوخۆ دەکەین کارتی رێگەپێدان بۆ ئۆتۆمبێلەکانمان بکات، بۆ ئەوەی کێشەی هاتوچۆمان نەمێنێت.”
باسی لەوەشکرد، لە کاتی دەستبەسەرداگرتنی ئۆتۆمبێلەکانیان بێ ئەوەی هیچ سەرپێچییەکیان کردبێت، بڕی یەک ملیۆن دینار سزای دارایی دەدرێن.
پێداچوونەوە: شۆڕش قادری
ئۆتۆمۆبێلی جامڕەش و بێ سەرەتا و ماتۆڕسکیل دەستیان بەسەردا دەگیرێت
