دیمەنی ناو سەمونخانەیەک کە پێشتر لیژنەی تەندروستی سەردانی کردبوو... وێنە؛ تەندروستی دهۆک.
85 شوێنكاریشی سزاداوه
ته‌ندروستى دهۆك هه‌فتانه زیاتر له یه‌ك تۆن كه‌لوپه‌لى ماوه به‌سه‌رچوو له‌ناو ده‌بات
964+
فەرهاد حەسەن
به‌ڕێوه‌به‌رایه‌تى گشتى ته‌ندروستى دهۆك له‌رێگه‌ى لیژنه‌یه‌كی چاودێرى بازاڕاوه هه‌فتانه لانیكه‌م یه‌ك تۆن كه‌لوپه‌ل و مه‌وادى به‌سه‌رچوو له‌ناو ده‌بات و سزاى ئه‌و شوێنكارانه‌ش ده‌دانت كه سه‌رپیچچی ته‌ندروستییان هه‌یه.
به‌پێی ئامارێك كه هه‌فتانه بۆ كارو چالاكییه‌كانى بڵاویده‌كاته‌وه له‌ماوه‌ى 4.10.2024 تاوه‌كو 10.10.2024 یه‌ك تۆن و 643 كیلۆگرام كه‌لوپه‌لى ماوه‌به‌سه‌رچووى له‌ناو بردووه.
نۆ شوێنكاریشی سزاداون و پێنج شوێنیشی داخستوون.
هه‌فته‌ى پێشتریش یه‌ك تۆن و 563 كیلۆگرام كه‌لوپه‌لى له‌ناو بردووه و 15 شوێنكاریشی سزاداون و دوو شوێنیشی داخستوون.
به‌شێوه‌یه‌كی گشتى له‌ماوه‌ى یه‌ك مانگدا ئه‌و لیژنه‌یه‌ى ته‌ندروستى دهۆك توانیویه‌تى پێنج تۆن و 724 كیلۆگرام ماده‌ى به‌سه‌رچوو له‌ناو ببات و 85 شوێنكاریش سزا بدات و 22 شوێنیش دابخات.
