گەنجێک لە کاتی کارکرندا کەوتە ژێر تراکتۆرەوە و گیانی لەدەستدا

964+

هیڤی دێوالی-دهۆک

گەنجێک لە گوندێکی بیباڤا  لە کاتی کارکردندا کەوتە ژێر تراکتۆرەوە گیانی لەدەستدا.

ئەمڕۆ پێنج شەممە 2024.10.10، گەنجێک بەناوی “مالک شەرمنی“ خەڵکی گوندی شەرمنێ لە قەزای ئاکرێ بۆ کارکردن چووەتە گوندی بیباڤا لەسنووری ناحیەی قەسرۆک، لە کاتی کارکردن کۆنتڕۆڵی تراکتۆرەکەی لەدەست دەردەچێت و دەکەوێتە ژێری و دەستبەجێ گیان لەدەستدەدات.

مەهران نێروەی، بەڕێوەبەری ناحیەی قەسرۆک بە 964ـی وت، کەمێک پێش ئێستا گەنجێک لەکاتی کارکردندا کەوتە ژێر تراکتۆر و دەستبەجێ گیانی لەدەستدا.

وتیشی، لە ئیستادا تەرمەکە رەوانەی پزیشکی دادی دهۆک کراوە  و دوای پشکنین و لێکۆڵینەوە رادەستی بنەماڵەکەی دەکرێتەوە.

گوندی بیباڤا دەکەوێتە ناحیەی قەسرۆک لەسنووری قەزای شێخان لە پارێزگای دهۆک.

پێداچوونەوە: ژێوار خدر

دوێنێ پیاوێکی تەمەن 50 ساڵ کەوتە ژێر تراکتۆر و گیانی لەدەست دا