لە خورماتوو کوتانى منداڵان دەستیپێکرد

964+

سیروان خورشید – دوزخورماتوو

لەقەزای خورماتوو ھەڵمەتێکی بەرفراوانی تیمەکانی تەندروستی لەسەرجەم گەڕەکەکانی قەزاکە بۆ پشکنین و کوتانی منداڵان لەنەخۆشییە وەرزییەکان و گوازراوەکان دەستیپێکردووە.

محەمەد ئەکبەر، بەرپرسی کەرتی تەندروستی خورماتوو بە 964ـی وت،ھەڵمەتەکە بۆ ماوەی 10 رۆژ بەردەوام دەبێت و ئامانج لێى ئەوەیە رێگرى بکرێت لە توشبوونى منداڵان بە پەتاى وەرزى و گواستراوەکان.

وتیشی،” تیمەکانمان جگە لەنێو شار، دەڕۆنە گوندەکانی سنوورەکەش و ھەر ھاوڵاتییەکیش بیەوێت منداڵەکەی بپشکنێت و بکوتێت دەتوانێت سەردانی نەخۆشخانە بکات و دەرزی کوتانی لێدەدەرێت بەشێوەی خۆرایی”.

ساڵانە نەخۆشی گوازراوەو پەتا لەنێو منداڵان بڵاودەبێتەوە و ئەمساڵ تیمە تەندروستییەکان پێشوەختە ھەڵمەتی بەرفراوانیان دەستپێکردووە بۆ ئەوەی رێگری بکەن لەبڵاوبونەوەی پەتا وەرزییەکان و نەخۆشییە گوازراوەکان”.

پێداچوونەوە: وریا فەتاح

کوتانى منداڵان دەستپێدەکات