دێمبێلی لەگەڵ چاڤی فۆتۆ: مارکا
دیسان عوسمان تووشی پێکان بوو
964+
ئه‌رسه‌لان عه‌بدوڵلا – هه‌ولێر
یانه‌ی بارسێلۆنا پێكانی عوسمان دێمبێلیی یاریزانی یانه‌كه‌ی و جۆری پێكانه‌كه‌ی ئاشكرا كرد.
یانه كه‌ته‌لۆنییه‌كه له توویته‌ر بڵاوی كرده‌وه، دێمبلی لە یاریی شه‌وی رابردوو به‌رامبه‌ر جیرۆنا له ماسوولکەکانی رانی چەپیدا هەستی بە ئازار کرد، دوای ئەوەی لەگەڵ ئارناو مارتینێزی یاریزانی جیرۆنا به‌ریه‌ككه‌وتن”.
یانه‌كه ده‌ڵێت، دێمبێلی له به‌شی پێشه‌وه‌ی رانی چەپیدا دووچاری پێكان بووە، گه‌ڕانه‌وه‌شی بۆ یاریگه‌كان به‌نده به راده‌ی خێرایی چاكبوونه‌وه‌ی.
پێشبینی دەکرێت دێمبێلی لە یارییەکانی داهاتووی به‌رمبه‌ر ریال بێتیس، سێڤییا، ڤیاڕیال، قادێش لە لالیگا ئامادە نەبێت.
هەروەها لە یاریی چوونی قۆناغی 16ـی یۆرۆپالیگ بەرامبەر مانچێستەر یونایتد به‌شدارنابێت، بەڵام ره‌نگه بۆ یاریی گه‌ڕانه‌وه بتوانێت بگه‌ڕێـته‌وه.
عوسمان دێمبێلیی فه‌ڕه‌نسی، یه‌كێكه له‌و یاریزانانه‌ی كه له یانه‌ی بارسێلۆنا دووچاری زۆرترین پێكان بووه، له‌وه‌ته‌ی له 2017 رووی له‌م یانه‌یه كردووه.
بارسێلۆنا شه‌وی رابردوو له گه‌ڕی 18ی خولی ئیسپانیا به زه‌حمه‌ت و به 1-0 گۆڵ له یانه‌ی جیرۆنای برده‌وه.