دژەتیرۆری عێراق: “دوو تیرۆریستمان لە سلێمانی دەستگیر کرد”

شۆڕش قادری

دەزگای دژەتیرۆری عێراق دەستگیرکردنی دوو تیرۆریستی لە سلێمانی بە هاوکاری ئاسایشی شارەکە راگەیاند.

ئەمڕۆ دووشەممە 23.9.2024 دژەتیرۆری عێراق لە راگەیەندراوێکدا بڵاویکردەوە، “لە چوارچێوەی زنجیرەیەک هەماهەنگی و هاوکاریی نێوان دەزگای بەرەنگاربوونەوەی تیرۆر و بەڕێوەبەرایەتیی ئۆپەراسیۆنی ئاسایش لە هەرێمی کوردستان، هێزەکانمان توانیان دوو تیرۆریست لە پارێزگای سلێمانی دەستگیر بکەن”.

دژە تیرۆری عێراق ناسنامەی ئەو کەسانەی ئاشکرا نەکردووە و زانیاری زیاتری لەوبارەیەوە بڵاونەکردووەتەوە.

ئاماژەیان بەوەش کردووە، ئۆپەراسیۆنەکانیان لە ناوچە جیاجیاکانی عێراق بەردەوام دەبێت و بە هەموو توانایەکەوە پارێزگاری لە خاکی وڵاتەکە دەکەن.