دیمهنی یهكێك لهو هایپهرماركێتهكانى به‌غدا... وێنه: وه‌زاره‌تى بازرگانى عێراق.
لە به‌غدا ده‌ستیان پێكردووه و بۆ هه‌موو شاره‌كانه
عێراق به هایپەرماركێت رووبه‌ڕووى گرانى بازاڕ ده‌بێته‌وه
964+
فه‌رهاد حه‌سه‌ن
وه‌زاره‌تى بازرگانیى عێراق، له رێگاى كردنه‌وه‌ى هایپەرماركێت له شاره‌كان رووبه‌ڕووى نرخى به‌رزى ماده خۆراكییه‌كان ده‌بێته‌وه، وه‌ك سه‌ره‌تاش له چه‌ند شوێنێكی به‌غدا ئه‌و هایپەرماركێتانه‌ى كردووه‌ته‌وه و پلانیشی وایه له ته‌واوى شاره‌كانى عێراقدا بیانكاته‌وه.
وەزارەتی بازرگانیی عێراق بڵاویكردووه‌ته‌وه، له كردنەوەی هایپەرماركێتەكاندا 25 مادەی خۆراكی بە نرخی 20% هەرزانتر لە بازاڕ دەخرێتە بەردەستی هاوڵاتیان.
محەمەد حەنون، وتەبێژی وەزارەتی بازرگانی ئاماژه‌ى به‌وه‌كردووه، هایپەرماركێته‌كان ده‌بنه هاوبەش و ركابەری كەرتی تایبەت لە دابینكردنی خۆراك بە نرخێكی گونجاو.
وتیشی “پاڵپشتییەكی گەورەی حكومەت هەیە بۆ بوژاندنەوەی ناوچە هەژارنشینەكان بۆ هەرزانكردنی كەلوپەلی خۆراك”.
روونیشیكرده‌وه، لەو هایپەرماركێتانه‌دا 25 مادەی خۆراكی سەرەكی ئاماده‌كراون و نرخیشیان له‌سه‌ر داندراوه، بۆ ئەوەی دەستكاری نرخەكانیان نەكرێت و سەقامگیری لە بازاڕدا بەدەست بهێنن.
