لۆگۆی راگەیاندنی وەزارەتی پێشمەرگە
وەزارەتی پێشمەرگە:
گرفتی پێنەدانی هاوکارە داراییەکانی هاوپەیمانان پەیوەندی بە ئێمەوە نییە
+964
ژێوار خدر
وەرزارەتی پێشمەرگە لە راگەیاندراوێکدا دەڵێت، گرفتی پێنەدانی هاوکارییە داراییەکانی هاوپەیمانان بە بەشێک لە هێزەکانی پێشمەرگە، پەیوەندی بە ئێمەوە نییە و راستەوخۆ پەیوەندی بەشێوازی کارکردن و پێدانی هاوکارییە بە یەکە سەربازییەکان.
وەزارەتەکە روونیشیکردووەتەوە، گرفتی ئەو یەکە سەربازییانە هەبوونی رۆتینێکی ئەمنی هێزەکانی هاوپەیمانانە.
دەشڵێت، چاوەروانی بڕیاری هاوپەیمانان دەکەین بۆ رێکخستنەوە و چۆنیەتی دابەشکردنی هاوکاریەکانیان بۆ یەکەکانی سەر بە وەزارەتی پێشمەرگە.
ئەمە لە کاتێکدایە، دوێنێ سێشەممە 3.9.2024، پێشمەرگەکانی فەوجی سێی لیوای 11ی پیادە لە کۆیە، لە بەردەم بینای بارەگاکەیان گردبوونەوە و داوایان دەکرد هاوکاریی هاوپەیمانانیان بۆ خەرج بکرێت کە چوار مانگە وەریان نەگرتووە.
