هونەرمەندێکی کەلار
قەڵای نوگرە سەلمانی لە ماڵەکەیدا دروستکردوە
+964
میلاد جەلال – گەرمیان
ھونەرمەندێک لە قەزای کەلار لە حەوشەی ماڵەکەیدا قەڵای نوگرە سەلمانی دروستکردوە، درێژی قەڵاکە 18 مەترە و سێ مەتر و نیو بەرزە، لە تەختە و ئاسن دروستکراوە.
پشکۆ محەمەد، کە قەڵاکەی دروستکردوە بە 964ـی وت،”سێ جار رۆشتومەتە قەڵای نوگرە سەلمان، کە دەڕۆیتە ئەو جێگایە وات لێدەکات هەستت بۆ دروست بێت، منیش وەک ھونەرمەندێک بیرۆکەی ئەوەم بۆھات قەڵای نوگرە سەلمان دروستکەم”.
“وەک ئاماژەیەک بۆ ھەر ھەشت قۆناغەکەی ئەنفال، ھەشت پەنجەرەم لە قەڵاکە دروستکردوە و کە ھەر پەنجەرەیەک چیرۆک و ئازاری کەسوکارێکی ئەنفال دەگێڕێتەوە”پشکۆ محەمەد وای وت.
ئاماژەی بەوەشکرد،”لە ڤێستیڤاڵی نێودەوڵەتی شانۆی پانتایی بانگھێشت کراوین لە 4.9.2024 لە پارێزگای کەرکوک بەڕێوەدەچێت، ئێمەش بە شانۆی چیرۆکەکانی مەرگ لە نوگرە سەلمان بەشداریمان کردوە”.
وتیشی،”قەڵاکە دەبەینە کەرکوک، دەمانەوێت چیرۆکی ئەنفال نیشانی میوانە بیانییەکان بدەین”
پێداچوونەوە: توانا نەقی
