وەزیرى پەروەردەى هەرێم...وێنە:964+
بزانە رێژەکە گەیشتووەتە چەند
وەزیری پەروەردە: رێژەی نەخوێندەواری لە هەرێم 8% دابەزیوە
964+
شۆرش قادری
وەزیری پەروەردەی هەرێم دەڵێت، رێژەی نەخوێندەواری لە هەرێمی کوردستان 8% دابەزیوە و بووە بە 16%.
ئالان حەمەسەعید وەزیری پەروەردەی هەرێم لە کۆنگرەیەکى رۆژنامەوانیدا رایگەیاند،”پڕۆژەی بە دیجیتاڵیکردنی داتا و ئاماری پڕۆسەی خوێندنمان دەستپێکردووە و هاوکات پێوەر بۆ هەڵسەنگاندنی ناوەندەکانی خوێندن دیاریکراوە و لەمەودوا هەموو دایک و باوکێک دەتوانێت لەو رێگەیەوە بە وردی ئاگای لە پڕۆسەی خوێندنی منداڵەکەی بێت”.
“بە هەوڵ و توانای وەزارەتی پەروەردە و هاوکاری لایەنەکان، رێژەی نەخوێندەواری لە هەرێمی کوردستان کە پێشتر 24%بوو، ئێستا دابەزیوە بۆ 16% و رێژەکە 8% کەمبۆتەوە”، ئالان حەمە سەعید وای وت.
ئاماژەی بەوەشکرد، لە ماوەی رابردوودا و لەرێگەی بە گرێبەستکردن یا دامەزراندنی دەرچووانی زانکۆ و پەیمانگاکان، سوودیان بە 43 هەزار گەنج گەیاندووە.
سەبارەت بە دابینکردنی کارەبای قوتابخانەکانیش، وەزیری پەروەردەی هەرێم وتی،”کارەبای 74 قوتابخانە بە وزەی خۆر کراوە و رەزامەندی بۆ 72ـی دیکەش وەرگیراوە”.
