دیمهنێكى كاتى پاككردنه‌وه‌ى یهكێك له ده‌روازه‌كان... وێنه: شارهاونى مه‌خمور.
لە دەروازەکانەوە
شاره‌وانیى مه‌خمور 4000 تۆن زبڵ و خاشاکی کۆکردەوە
964+
فەرهاد حەسەن
شاره‌وانیى قه‌زاى مه‌خمور خه‌ریكی پاككردنه‌وه‌ى ده‌روازه‌كانیه‌تى و ته‌نیا له‌ماوه‌ى حه‌وت رۆژى رابردوودا چوار هه‌زار تۆن خاشاك و پاشماوه‌یان كۆكردووه‌ته‌وه و بەڕێوەبەری شاره‌وانیش ده‌ڵێت، به‌رده‌وام ده‌بن تا هه‌موو ده‌روازه‌كان پاكده‌كه‌نه‌وه.
مه‌خمور سێ ده‌روازه‌ى سه‌ره‌كیی هه‌یه، یه‌كه‌میان به رووى هه‌ولێردا و دووه‌میشان گه‌یاره و سێیه‌میش قه‌راج.
زیره‌ك حه‌سه‌ن، بەرێوەبەری شاره‌وانیى مه‌خمور به 964ـى راگه‌یاند، ماوه‌ی هه‌فته‌یه‌كه ده‌ستیان به پاككردنه‌وه‌ى ده‌روازه‌كان كردووه و هێشتاش ماویانه ته‌واوى بكه‌ن.
وتیشی “له ماوه‌ى ئه‌م هه‌فته‌یه‌دا زیاتر له 200 قه‌لاب خاشاك و پاشماوه‌مان كۆكردووه‌ته‌وه، كه هه‌ر قه‌لابێك نزیكه‌ى 20 تۆن ده‌گرێت”.
ئاماژه‌ى به‌وه‌ش دا، دوو شوێنی دیاركراویان هه‌یه زبڵ و خاشاكى لێ كۆبكەنه‌وه، ئه‌وانیش بریتین له دوو چاڵى گه‌وره له سنوورى قه‌زاكه‌یان و له‌وێدا هه‌ر پاشماوه‌یه‌كى كۆكراوه هه‌بێت له‌ناو ئه‌م دوو چاڵه‌دا ژێرخاكی ده‌كه‌ن، بۆ ئه‌وه‌ى چاڵه‌كانیش پڕبكرێنه‌وه.
تیمه‌كانى شاره‌وانى به ئامێر و كه‌ره‌سته‌ى جیاواز ده‌روازه‌ى هه‌ولێریان پاككردووه‌ته‌وه و ئێستاش خه‌ریكی دوو ده‌روازه‌كه‌ى دیكه‌ن بۆ پاككردنه‌وه‌یان.
