دیمهنى دوو جوتیارى دهڤهرى راپه‌ڕین لهناو كێڵگهیهكی كشتوكاڵى ... وێنه: hajiawanews
داواى شایسته داراییه‌كانیان ده‌كه‌ن
نوێنه‌رایه‌تى جوتیارانى هه‌رێم به رێگاوەن بۆ به‌غدا
964+
فەرهاد حەسەن
ئه‌مڕۆ نوێنه‌رایه‌تى جوتیارانى هه‌رێمی كوردستان ده‌گه‌نه به‌غدا، مه‌به‌ستى سه‌ردانه‌كه‌شیان داواكارى شایسته داراییه‌كانی به‌رهه‌مى گه‌نمیانه كه زۆربه‌یان وه‌ریان نه‌گرتووه.
تا ئێستا له كۆى 580 ملیار دینار ته‌نیا 14%ـى ئه‌م پاره‌یه به‌سه‌ر جوتیاراندا دابه‌شكراوه، نوێنه‌رایه‌تى جوتیارانیش بۆ له 84%ـه ده‌چنه به‌غدا.
سابیر ئه‌حمه‌د، یه‌كێك له نوێنه‌رانى جوتیاران له راپه‌ڕین به 964ـى راگه‌یاند، ئێستا له‌گه‌ڵ نوێنه‌رایه‌تى جوتیارانى هه‌رێم به‌رێگاوه‌ن و ده‌چنه به‌غدا، بۆ داواكارى مافه داراییه‌كانیان.
وتیشی “له سنوورى ئیداره‌ى راپه‌ڕین له كۆى دوو هه‌زار و 100 بارهه‌ڵگرى گه‌نم، ته‌نیا 250 بارهه‌ڵگر پاره‌كه‌یان دراوه و من یه‌كێكم له‌وانه‌ى كه هیچ پاره‌یه‌كی گه‌نمه‌كه‌مم وه‌رنه‌گرتووه”.
به‌نیازن سه‌ردانى هه‌ردوو وه‌زاره‌تى بازرگانى، كشتوكاڵ و هه‌روه‌ها سه‌رۆك كۆمارى عێراق و جێگرى سه‌رۆكى په‌رله‌مان بكه‌ن.
به‌قسه‌ى ئه‌م نوێنه‌ره، تا ئێستا حكومه‌تى عێراق 77 ملیار دینارى بۆ جوتیارانى هه‌رێم ناردووه و دابه‌شكراوه، ئه‌وه‌ى ماوه‌ته بینێرێت كه دواكه‌وتووه بریتییه له 503 ملیار دینار.
