هەولێر مەنزڵی گۆرانیبێژە دیارەکانی لوبنان و عەرەبە

ژووری هەواڵ

دوێنێ شەو هونەرمەندی بەناوبانگی لوبنانی دیانا حەداد لە هەولێر ئاهەنگی هەبوو، یەکەمجارە دیانا دێتە ئێرە، بەڵام یەکەمجار نییە هونەرمەندە بەناوبانگەکانی لوبنان و عەرەب لە هەولێر ئاهەنگیان هەبێت.

ساڵانی پێشوو ئاهەنگەکان زۆر زیاتر بوون، ئەمساڵ هەرچەند وانەبوو، بەڵام ئەوانەی هاتن ناوی دیار بوون.

پێش دیانا حەداد لە مانگی تەمموز (شامی) لێرە بوو، عەبدولرەحمان فەواز گەنجێکی دیاری سورییە، ئاهەنگێکی گەورەی هەبوو، زۆر زوو بلیتەکانی ئاهەنگەکەی نەمابوو.

مانگی نیسان وائیل جەسار هونەرمەندی دیاری لوبنانی ئاهەندێکی گەورەی هەبوو، وائیل چەند جارێک دێتە هەولێرو خەڵک حەزیان بە ئاهەنگەکانیەتی.

مانگی دوو مانگێکی قەرەباڵغتر بوو، دوو ئاهەنگی گەورەی تیابوو، یەکەمیان نانسی عەجرەم لە ڤالانتاین ئاهەنگێکی کرد، هەرزوو بلیتەکەی نەما، ئەوکات 964 لە بەڕێوەبەرانی هۆڵەکەی پرسی وتیان سێ جۆر تیکتمان هەیە، گرانەکەی دەگاتە 400دۆلار بۆ هەر نەفەرێک.

هەر لە مانگی دوو، هەفتەیەک دوای نانسی، گۆرانیبێژو ئاوازدانەری بەناوبانگی لوبنانی مەروان خوری ئاهەنگێکی هەبوو.

مەروان خەڵک خۆشی دەوێت و حەزیان بەدەنگیەتی، نرخی بلیتی ئاهەنگەکەی دەگەیشتە 200 دۆلار.

ئەحمەد سەعد ئێستا لە دیارترین گۆرانیبێژەکانی میسرو وڵاتانی عەرەبییە، بڕیارە ئەویش مانگی ئەیلول ئاهەنگی هەبێت