ئەگەر خاوەن کارەکەت غەدری لێ کردیت.. تەلەفۆن بکە حکومەت دێت بە دەنگتەوە

+964

ژووری هەواڵ

بەڕێوەبەرایەتی کارو دەستەبەری کۆمەڵایەتی دوو هێڵی داناوە بۆ ئەو کرێکارانەی خاوەنکار غەدریان لێ دەکات، یەکێکیان تەلەفۆنی بۆ دەکەیت و ئەویتریان دەتوانیت لەسەر ڤایبەرو واتساپ نامەی بۆ بنێریت.

چوار حاڵەت هەیە ئەگەر کرێکار شکی برد دەتوانێت زوو ئاگاداریان بکاتەوە، ئەویش ئەمانەن:
–  پابەند نەبوو بە یاسا و ڕێنماییەکان.
–  رێژەى کرێکارى بیانى لە پڕۆژەکەدا لە %25 زیاتر بوو.
–  لە دەستەبەرى کۆمەڵایەتى بۆ کرێکاران دەستەبەرى نەکردیت.
–  یان هەر کردارێکى تر کە هەستت کرد پێچەوانەى یاسا و ڕێنماییەکانە.
سکاڵاکە بە دوو شێوە دەگەیەندرێت، دەتوانیت یەکسەر تەلەفۆن بکەیت بۆ ئەم ژمارەیە (5500) ئەمە ناوی هێڵی هۆشیاری کرێکارانە، یان ژمارەیەکی تریان هەیە دەتوانیت بە نوسین یان بە دەنگ لەسەر واتساپ و ڤایبەر نامەیان بۆ بنێریت، ئەمە ژمارەکەیە: (07721225500).

دوای ئەم تەلەفۆن و نامانە ”لە زووترین کاتدا لیژنەکانى پشکنەران بەدواداچوون بۆ سکاڵاکەت دەکەن و لە ئەنجامەکەشی ئاگادارت دەکەنەوە”.