پاسێکی زیارەتکاران وەرگەڕا و 28 کەس گیانیان لەدەست دا

964+

شۆڕش قادری

بەهۆی وەرگەڕانی پاسێک کە زیارەتکارانی پاکستانی لە ئێرانەوە دەگواستەوە عێراق، 28 زیارەتکار گیانیان لەدەست دا و 23ی دیکەش برینداربوون.

میدیای ئێران بڵاویکردەوە، کاتژمێر 9:54 خولەکی شەوی رابردوو، پاسێکی کە هەڵگری 51 زیارەتکاری پاکستانی بووە و بەنیازبوون بەشداری رێوڕەسمەکانی چلەی ئیمام حوسێن لە کەربەلا بکەن، لە سەر رێگای دێهشیر – تەفت لە پارێزگای یەزد وەرگەڕاوە و بەپێی ئامارە سەرەتاییەکان 28 کەس گیانیان لەدەستداوە و 23ی دیکەش بریندار بوون.

محەمەد عەلی مەلەکزادە بەڕێوەبەری کۆنتڕۆڵکردنی قەیران لە پارێزگای یەزد رایگەیاندووە، بریندارەکان رەوانەی ناوەندە دەرمانییەکانی رەهنمون و ئەبەرکێو و تەفت کراون  و باری تەندروستی 14 کەسیان ناجێگیرە.

“پارێزگاری یەزد داوای لە وەزارەتی دەرەوەی ئێران کردووە، فڕۆکەیەک بۆ گواستنەوەی بریندارەکان بۆ پاکستان دابین بکات”، مەلەکزادە وای وتووە.

زیاتر لە 250 هەزار زیارەتکار لە حاجی ئۆمەران و مونزەرییەوە گەیشتوونەتە کەربەلا