زیاتر لە 20 هەزار دۆنم بە ترێ چێنراوە

بەرهەمى ترێى جوتیارانى دهۆک 60 هەزا تۆنە

+964

وریا فەتاح

ئەمساڵ جوتیارانی دهۆك، 20 هەزار و 118 دۆنمیان بە ترێ چاندووە و پێشبینی دەكرێت 60 هەزار تۆن ترێ بەرهەم بهێنن.

ساڵی ڕابردوو، 48 هەزار تۆن ترێ بەرهەم هاتبوو و 20%ی بەرهەمەكە لە زیادی داوە.

فەرمانگەى میدیاى و زانیارى بڵاوى کردەوە، لە پارێزگای دهۆك، 125 جۆری ترێی خۆماڵی بەرهەم دەهێنرێن، بۆ بەبازاڕكردنی زیاتریشی، ساڵانە پێشانگەی تایبەت بۆ بەرهەمی ترێ و هەنگوین دەكرێتەوە.

وەک باسى دەکات بۆ ئەمساڵ پێشبینى دەکرێت 60 هەزار تۆن ترێ، بەرهەمى جوتیاران و خاوەن رەزەکانى پارێزگاى دهۆک بێت.

جەختیش کراوەتەوە کە بەهۆى دانانى سنوور بۆ هاوردەکردن بەروبوومی خۆماڵی نرخی زیاتری پەیدا كرد و جوتیاران سوودیان لە كشتوكاڵەكانیان وەرگرتووە.