دیمهنێكی رووداوه‌كه ... وێنه: سۆشیاڵ میدیاى ئێزیدیخان
خه‌ڵكی تەلعوزێر و خانه‌سۆرن
لە رووداوێکی هاتوچۆدا پێنج کەس گیانیان لەدەست دا
964+
هیڤی دێوالی – دهۆک
964 زانیارى ئه‌وه‌ی پێگه‌یشت لەسەر رێگای قەزای شنگال بۆ تەلەعفه‌ر، رووداوێكی هاتوچۆ روویداوه و به‌هۆیه‌وه پێنج کەس گیانیان لەدەستداوە، كاتێك په‌یه‌ندیمان به بەڕێوەبەری کۆچ و کوچبەرانی دهۆک كرد، رووداوه‌كه‌ى پشتڕاست كرده‌وه و وتیشی سەرجەم سەرنشینی ئۆتۆمبێلەکە ئێزدین و خەڵکی قەزای شنگالن.
رووداوه‌كه، ئێوارەی ئەمڕۆ یەکشەممە 2024.8.18 له نێوان دوو ئۆتۆمبێل روویداوه كه یه‌كێك له‌وان بارهەڵگربووه، یه‌كێكیان له‌رێگاى رۆیشتنی بووه بۆ ته‌له‌عفه‌ر و دووه‌میشیان له كاتى گه‌ڕانه‌وه‌ی بووه له ته‌له‌عفه‌ره‌وه بۆ شنگال.
پیردەیان جەعفەر، بەڕێوەبەری کۆچ و کۆچبەرانی دهۆک بە 964ـی وت، دوو له‌و پێنج کەسه‌ى گیانیان له‌ده‌ستداوه گەنجن و خەڵکی تەلعوزێرن، دوانى دیكه‌ش ژنن له‌گه‌ڵ شۆفێره‌كه‌یان خەڵکی خانەسۆرن سەر بە قەزای شنگال.
وتیشی “شۆفێری بارهەڵگڕەکەش بریندارە و رەوانەی نەخۆشخانە كراوه، پێنج ته‌رمه‌كه‌ش ره‌وانه‌ى پزیشکی دادی موسڵ کراون”.
پێداچوونه‌وه: فه‌رهاد حه‌سه‌ن
