لە دهۆک ئاگر لە نەخۆشخانەی وان گلۆبەل کەوتەوە

964+

هیڤی دێوالی-دهۆک

لە دهۆک ئاگر لە ژوورێکی قاتی سەرەوەی نەخۆشخانەی وان گلۆبەل کەوتەوە و هەر زوو لەلایەن تیمەکانی بەرگری شارستانی دهۆکەوە کوژێندرایەوە کرا.
بێوار عەبدوڵعەزیز وتەبێژی بەرگری شارستانی دهۆک بە 964ـی وت، “بەهۆی ئاگرەکەوە تەنیا ژوورێکی قاتی چوارەم سووتاوە، زیانی گیانی نەبووە و تەنیا زیانی ماددی لێکەوتووەتەوە و بەشێک لە دەرمانەکانی ئەو ژوورە سووتاون”.

وتیشی، “تائێستا هوکاری ئاگرەکە نازانرێت و لێکوڵینەوەی لێدەکرێت”
“هەر بەهۆی ئاگرەکە، ژمارەیەک کەس تەنگە نەفەس بوون، بەڵام هیچ کەس رەوانەی نەخۆشخانە نەکراوە”، وتەبێژی بەرگری شارستانی دهۆک وای وت.

راستکردنەوە و نوێکردنەوە کاتژمێر 8:17 خولەک

بێوار عەبدولعەزیز، لە بارەى لێدوانى یەکەمى راستکردنەوەى کرد و بە 964ـى وت،”ئاگرەکە لە نهۆمى دووەم بووە و ژوورى موختەبەر سووتاوە، لە قاتى چوارەمیش نەخۆش و ستافى نەخۆشخانە رزگارکراون.

پێداچوونەوە: شۆڕش قادری