شەش کەس بەهۆی پێكدادانی سێ ئۆتۆمبێبل بریندار بوون

+964

هیڤی دێوالی-دهۆک

لە رووداوێکی هاتوچۆدا لە سەر رێگای موسڵ بۆ ناحیەی کەڵەک، شەش كەس بریندار بوون، ئەوەی باشە برینەكانیان سووكە.

ئێوارەی ئەمڕۆ دووشەممە کاتژمێر 7:30 رووداوێکی هاتوچۆ لە نێوان دوو ئۆتۆمبێلی تایبەت و بارهەڵگرێک روویدا، لە ئەنجامدا شەش كەس بریندار بوون.

رووداوەكە بەرامبەر بەنزینخانەی کانی لە سنووری ناحیەی کەلەک روویداوە و ئازاد تەها، وتەبێژی بەڕێوەبەرایەتیی پۆلیسی دهۆک بە 964ـی راگەیاند، رووداوەکە بە هۆی خێرایی لێخوڕینی هەردوو ئۆتۆمبێلەكە بووە، كە یەكێكیان شۆفرلێت ئۆپترا و ئەویتریان ئۆپل فیکترا بووە و دواتریش خۆیان بە بارهەڵگرێكیشدا كێشاوە، كە لەو شوێنە وەستا بوو.

وتیشی، سەرجەم سەرنشینەکانی هەردوو ئۆتۆمبێل بە سووکی بریندار بوون، کە ژمارەیان شەش کەسن و رەوانەی نەخۆشخانەی ناوچەکە کران بۆ وەرگرتنی چارەسەری.

پێداچوونەوە: ئەرسەلان عەبدوڵا

لە رووداوێکى هاتوچۆدا ژنێک گیانى لەدەست دا