دیدارى هونەرى قەڵادزێ
شانۆ و گۆرانى
سبەینێ دیدارى هونەرى قەڵادزێ بەڕێوە دەچێت
964+
وریا فەتاح
بڕیارە سبەینێ شەممە، دیدارى هونەرى قەڵادزێ ئەنجام بدرێت و شانۆى شەقام و گۆرانى کوردەوارى پێشکەش دەکرێن.
دیدارەکە کاتژمێر 5:30 خولەکى ئێوارە لە پارکى شار ئەنجام دەدرێت و تیپى نواندنى قەڵادزێ بە شانۆ شەقام و گروپى میوزیکى ئەنگۆرا بەچەند گۆرانییەکى کوردەوارى، بەشدارى لە دیدارەکەدا دەکەن.
بەپێى راگەیەنراوى دیدارى هونەرى قەڵادزێ، دیدارەکە بەمەبەستى زیندوراگرتنى رەسەنایەتى و هونەر و رۆشنبیرى قەڵادزێ ئەنجام دەدرێت.
قەڵادزێ ناوەندى قەزاى پشدەرە و دەکەوێتە سنوورى ئیدارەى راپەڕین لە پارێزگاى سلێمانى.
