لە داهاتوویەکی نزیکدا
نابیستانیش دەتوانن مۆڵەتی شۆفێری وەربگرن
964+
دیلان محەمەد – سلێمانی
بە پێی رێنماییەک کە لە بەڕێوەبەرایەتیی هاتوچۆی سلێمانییەوە دەرچووە، لەمەودوا نابیستان و خاوەن پێداویستییە تایبەتییەکانیش دەتوانن ببن بە خاوەنی مۆڵەتی شۆفێری و بڕیارەکەش لە داهاتوویەکی نزیکدا جێبەجێ دەکرێت.
بەهمەن عەبدوڵا، وتەبێژی هاتوچۆی سلێمانی بە 964ـی وت، پێویستە نووسینگەکانی فێربوونی شۆفێری کۆمەڵێک ئامادەکاری بکەن، ئەو کەسانەش کە نابیستن و دەبێت ئۆتۆمبێلی تایبەتمەندییان بۆ ئامادە بکرێت بۆ ئەوەی سەلامەتی گیانی ئەوان و کەسانی دیکەش پارێزراو بێت.
وتیشی، لە ماوەیەكی نزیكی داهاتوو نابیستان بە پێی یاسا دەتوانن مۆڵەتی شۆفێری وەربگرن.
پێداچوونەوە: ژێوار خدر
