شەش نۆرینگەی ددان لە هەولێر داخران

+964

میدیا گۆران

لە هەولێر شەش نۆرینگەی ددان داخران و هەشتیش ئاگادارکرانەوە بەهۆی پابەند نەبوونیان بە رێنماییەکان.

تەندروستی هەولێر رایگەیاند، لەدوای بەدواداچوونی لیژنەکانی تەندروستی بۆ سەنتەر و کلیینکەکان لە ناحیەی دارەتووی هەولێر، تیمی قایمقامیەتی هەولێر و سەندیکای پزیشکانی ددان شەش نۆرینگەی ددانیان داخست و هەشت نۆرینگەشیان ئاگادارکردەوە چونکە پابەندی رێنماییە تەندروستییەکان نەبوون.

بەڕێوەبەرایەتی گشتی تەندروستی هەولێر دەڵێت، بەردەوام دەبین لە چاودێری کردنی نۆرینگە، کلینک و تاقیگەکانی ددان لە نزیکەوە.