بەم گەرمایە نەوتی سپی بەسەر هاوڵاتیان دابەش دەكرێت

964+
کاروان ساڵحی-کەرکوک

لە كەركوك بڕیاردرا بە دابەشکردنی بڕی 100 لیتر نەوتی سپی بەسەر هەر خێزانێکی شارەكە، لە دوو رۆژی داهاتووش دەستپێدەكات.

کۆمپانیای دابەشکردنی بەرهەمە نەوتییەکانی کەرکوک ئاگاداری هاوڵاتیانی شارەكە دەکات بە کۆبۆنی ژمارە 8 دەتوانن بڕی 100 لیتر نەوتی سپی وەربگرن.

عومەر حەمەدئەمین بەڕێوەبەری کۆمپانیای دابەشکردنی بەرهەمە نەوتییەکانی کەرکوک بە 964ـی وت، وەزارەتی نەوتی عیراق  بڕیاری دا بە دابەشکردنی نەوتی سپی ماڵان و هەر خێزانێک بڕی 100 لیتری پێ دەدرێت بە نرخی 150 دینار بۆ هەر لیترێک و بە کۆبونی ژمار8.

وتیشی ساڵی رابردوو هەر خێزانێک بڕی 250 لیتر نەوتی سپی بە سێ قۆناغ وەرگرتووە، دابەشکردنیش بەردەوام دەبێت تا سەرجەم دانیشتووانی شارەکە وەریدەگرن.

بەرێوەبەری کۆمپانیاکە وتیشی ساڵانە نزیکەی 750 هەزار خێزان نەوتی سپی لە رێگای کۆبۆنەوە وەردەگرن، ئێستاش وێستگەکانی شارەکە سەرقاڵی ئامادەکردن لە دوو رۆژی داهاتوو دەست دەکرێت بە دابەشکردنی نەوت بەسەر هاوڵاتیاندا.

پێداچوونەوە: ئەرسەلان عەبدوڵا

لەسەر دزینی نەوتی ئاوارەکانی کەرکوک درانە دادگا