کارمەندەکە لە کاتی وەرگرتنی خەڵاتەکە وێنە: هاتوچۆی گەرمیان
لە پای گرنگیدانی بە ژینگە
هاتوچۆی گەرمیان کارمەندێکی خەڵات دەکات
964+
ژێوار خدر
ئەمڕۆ دووشەممە 29.7.2024، بەڕێوەبەرایەتیی هاتوچۆی گەرمیان کارمەندێکیان خەڵات کرد، بەهۆی ئەوەی گرنگی داوە بە ژینگە.
سامان عەلی وتەبێژی هاتوچۆی گەرمیان بە 964ـی وت، کارمەندەکەمان ناوی ئاکۆ حەمزەیە و لە کاتی پشووەکانیدا چەندین گوڵی لە کۆشکەکەی خۆی و دەوروبەریدا چاندووە و خزمەتی ژینگەی ناوچەکەی کردووە.
وتیشی، لەپای ئەو گرنگیدانەی بە ژینگە، بەڕێوەبەرایەتییەکەمان بڕیاریداوە خەڵاتی رێزلێنان ببەخشێتە کارمەندەکە وەک هاندانێک بۆ بەردەوامی لە کارەکانی و خزمەتکردنی ژینگە.
ئەو کارمەندە کۆشکەکەی لەناو بینای شارەوانیی قەزای گەرمیانە، جگە لەو گوڵانەی لەناو کۆشکەکەی خۆیدا چاندوونی، گوڵ و دره‌خته‌كانى شه‌قامه‌كانى ته‌نیشتیشی دەپارێزێت و چاودێرییان دەکات، بەردەوام لە کاتی پشووەکانیدا خزمەتیان دەکات و سیمایەکی جوانی بەو ناوە بەخشیوە.
میدیاکارێکی 964 خەڵاتێکی نێودەوڵەتی بردەوە
