"گۆرانی کڵەپ و باڕە"
عەبە کەریب ئەمجارەیان دەڵی بیهێنە
+964
پەری ساڵح
گۆرانیبێژ عەبە کەریب بەمزووانە کلیپێکی نوێ بەناوی “بیهێنە” بڵاودەکاتەوە و دەشڵێت، گۆرانییەکەم بۆ کڵەپ و باڕ دەبێت.
عەبە کەریب دوای سێ مانگ لە بڵاوکردنەوەی کلیپی “تەقە”، ئامادەکاری بۆ کلیپێکی نوێ دەکات و تایبەت بە 964 وتی، “ستایلێکی تازە و هاوشێوەی لەگەڵ گۆرانی پارە و تەقەیە و ریتمەکەی بۆ کۆمەڵگەی خۆمان رەنگە قورس بێت، لەوانەیە هەفتەی داهاتوو تەواو بێت”.
عەبە باسی لەوەش کرد ستایلی گۆرانییەکەی بۆ چوونەدەرەوەی برادەرانە و کلەپ و باڕ دەبێت، ئاشكراشی كرد جگە لە کلیپی بیهێنە، ئامادەکاری بۆ چەند بەرهەمێکی تریش کردووە.
عەبە کەریب، گۆرانبێژێکی کوردە و دانیشتووی ئەوروپایە، بەرهەمەکانی زیاتر بە ستایلی رۆژئاوایە.
