گەڕانەوەی ئاوارەکان لە دهۆکەوە بۆ ناوچەکانیان. وێنە: وەزارەتی کۆچ و کۆچبەرانی عێراق.
لە کەمپەکانی دهۆکەوە
زیاتر لە 120 خێزانی ئاوارەی شنگال گەڕانەوە زێدی خۆیان
964+
ژووری هەواڵ
زیاتر لە 120 خێزانی ئاوارەی شنگال لە كەمپەكانی سنوری پارێزگای دهۆک گەڕانەوە بۆ زێدی خۆیان.
ئەمڕۆ یەکشەممە 21.7.2024، پیردەیان جەعفەر، بەڕێوبەری کۆچ و کۆچبەرانی دهۆک بە 964ـی وت، لە كەمپەكانی كەبەرتووی یەك و دوو 128 خێزانی ئاوارە گەڕانەوە زێدی خۆیان.
زۆرترینی ئەو ئاوارانەی لە هەرێمی کوردستانن، لە دهۆک نیشتەجێن، لە سنووری پارێزگاکە 20 کەمپ هەن و ژمارەی ئاوارەکانی پارێزگاکە بە گشتی 337 هەزار ئاوارەن.
حکومەتی عێراق بڕیاریداوە هەر خێزانێکی ئاوارەی نیشتەجێی ناو کەمپەکان بگەڕێتەوە بڕی چوار ملیۆن دیناری پێ دەدرێت، بەڵام ئەو ئاوارانەى لەدواى 31ـی ئەم مانگەوە دەگەڕێنەوە ناوچەکانیان، ئەو بڕە پارەیەیان پێنادرێت پێشتر ئەنجوومەنى وەزیران بڕیارى لەسەرداوە.
