نوێژەبارانە بۆ نەمانی وشکە ساڵی دەکەن

964+
  شڤان عەبدولڵا

ئەمرۆ 23ی کانونی دووەم، کاتژمێر 11:30 خولەک لە ناحیەی باتێلی سەر بە قەزای سێمێل بە ئامادەبوونی دەیان هاوڵاتی ناحییەکە نزا و نوێژی باران کرا.

خەڵکی ناحیەی باتێل زوربەیان خاوەن کێڵگەی کشتوکاڵین و مەڕ و ماڵات بەخێودەکەن، دوای نەبارینی بڕی پێویستی باران و لەترسی وشکەساڵی، خەڵکی ناحیەی باتێل ڕوویان کردە گردی باتێل و لەوێ بەکۆمەڵ نوێژە بارانەیان کرد.

نوێژەبارانە، مەراسیمێکی ئایینیە و لە کاتی وشکەساڵی و نەبارینی باران لەلایەن مسوڵمانانەوە دەکرێت، لە نوێژەکەدا نزا و پاڕانەوە دەکەن بۆ نەمانی وشکەساڵی و قات و قڕی و دابارینی باران.