تیمی غەواسی تەقتەقیش چوون بۆ زێی گەورە

964+
ئەحمەد مستەفا

ئەمڕۆ شەممە، تیمی غەواسی تەقتەق، گەیشتنە ناحیەی کەڵەک، ئەوەش بۆ دۆزینەوەی تەرمی ئەو مێردمنداڵەی 22 رۆژە ونە و بێ سۆراغە.

تیمەکە بۆ هاوکاری هێزەکانی بەرگریی شارستانی و تیمەکانی غەواس لە ناوچەکە چوون.

ئیوارەی رۆژی شەممە 8.6.2024، مێردمنداڵێکی تەمەن 14 ساڵان لە زێی گەورە کەوتووەتە ناو ئاوەوە، تا ئێستا تەرمەکەی نەدۆزراوەتەوە.

لەو کاتەوە تائێستا، تیمی غەواسی قەزای خەبات و خۆبەخشانی کەڵەک بەدوای تەرمەکدا دەگەڕێن، عەلی محەمەد یەکێک لە ئەندامی تیمەکان بە 964ی وت، “لێڵی و خوڕی ئاوەکە هۆکار بۆ ئەوەی تائێستا تەرمەکە نەدۆزراوەتەوە، ئەگەرچی بە تێکڕایی ئەم رۆژانە گەڕان بەردەوام بووە”.

پێشتر،  ئامانج محەمەد ئەفسەر و بەرپرسی غەواسەکانی قەزای خەبات بە 964ـی وت، “مێرمنداڵەکە کە تەمەنی 14 ساڵە، کاتژمێر 4:00ـی ئێوارە کەوتووەتە ناو زێی گەورە و گەڕان بەدوای تەرمەکەیدا بەردەوامە”.

ئاماژەی بەوەش کرد، “مێردمنداڵە بە مەبەستی مەلەکردن چووەتە زێی گەورە”.

مێرمنداڵێک لە قەزاى خەبات خنکا