یەکێک لە زیندانەکانی عێراق. فۆتۆ: ئاژانسەکان
به واژۆی سه‌رۆك كۆمار
زیاتر له 12 هه‌زار زیندانی له عێراق ئازاد ده‌كرێن
964+
ئه‌رسه‌لان عه‌بدوڵا
سەرۆکایەتیی کۆماری عێراق ئازادکردنی زیاتر لە 12 هەزار گیراوی راگەیاند، کە حوکمەکانیان بەسەرچووە یان له لایه‌ن دادگاوه هەڵوەشێندراوه‌ته‌وه.
راگەیاندنی سەرۆکایەتی کۆمار له راگه‌یاندراوێكدا، كه ئێواره‌ی دووشه‌ممه بڵاویكرده‌وه و كۆپییه‌كی ده‌ست 964 كه‌وتووه، ئاماژه به‌وه ده‌كات:
“بە مەبەستی جێبەجێکردنی پێوەرەکانی مافی مرۆڤ لە ناوەندەکانی دەستبەسەرکردن و بە ئامانجی خێراکردنی تەواوکردنی لێکۆڵینەوەکانی دەستبەسەرکراوان و جێبەجێکردنی پێوەرەکانی دادپەروەری و لێکۆڵینەوە لە فایلەکانی تۆمەتباران، دوای وەرگرتنی چەندین سکاڵا، سەرۆکایەتی کۆمار به رێنمایی سه‌رۆك كۆمار لیژنەیەک پێكهێنرا، كه نوێنەرانی سەرۆکایەتی کۆمار، وەزارەته‌كانی ناوخۆ و داد، ئەنجومەنی باڵای دادوەری، راوێژكاریی ئاسایشی نیشتمانی تێدا بوون.
لیژنه‌كه چه‌ند كۆبوونه‌وه‌یه‌كی كرد و له ئه‌نجامدا بڕیاری ئازادكردنی زیاتر لە 12 هەزار دەستبەسەر و زیندانیكراوی دا، کە هه‌یانه سزاکانیان کۆتایی پێهاتووە، یان سزاكانیان له لایه‌ن دادگای تێهه‌ڵچوونه‌وه هەڵوەشاوەتەوە.
