لەهێرشێکی ئاسمانیدا حەوت چەکداری داعش کوژران

964+

سیروان خورشید – دوزخورماتوو

لەدوو ھێرشی ئاسمانی فرۆکە جەنگییەکانی سوپای عێراق لە سنووری زنجیرە چیای پەڵکانە لە رۆژهەڵاتی خورماتوو، حەوت چەکداری رێکخراوی داعش کوژران و لەنێو کوژراوەکاندا ئەمیرێکی  داعشی تێدایە.

عەلی هاشم حوسێنی، وتەبێژی میحەوەری باکوری حەشدی شەعبی بە 964ـی، “ئەمشەو لەلایەن دەزگای هەواڵگری و بەرنگاربوونەوەی تیرۆر، بەفڕۆکەی f16 چەند مۆڵگەو حەشارگە و تونێلێکی چەکدارانی داعشیان لەگوندی پەڵکانە لە رۆژهەڵاتی سنوری قەزای خورماتوو بۆردومان کرد.

وتیشی، لە بۆردومانەکەدا حەوت چەکداری داعش کوژران و لەناو کوژراوەکاندا ئەمیرێکی مەترسیداری داعشی تێدایە.

ئاماژەی بەوەشکردووە، هێرشەکەی ئەمشەو، لە چوارچێوەی  ئۆپراسیۆنەکانی سوپای عێراقە، بۆ سەر مۆڵگەو حەشارگەکانی چەکدارانی رێکخراوی داعش لەسنووری دوزخورماتوو”.

پێداچوونەوە: توانا نەقی

لە کەرکوک چه‌ند مۆڵگه‌یه‌كى چەکدارانی داعش بۆردومانکران