دیمەنی کارکردنی تیمەکانی ئەندازەی پارکەکانی هەولێر _ وێنە: بەڕێوەبەرایەتی ئەندازەی پارکەکان
"رێژەی گەشتیار زیاتر بووە"
لە رۆژانی جەژن 45 تۆن خۆڵ و خاشاک لە پارکەکانی هەولێر کۆکراونەتەوە
964+
ئەحمەد مستەفا
بەڕێوەبەرایەتی ئەندازەی پارکەکانی هەولێر دەڵێت، “لە ماوەی رۆژانی جەژن، رۆژانە زیاتر لە 10 تۆن زبڵ و خاشاک لە سەرجەم پارکەکان فڕێدراون”.
کە بەکۆی گشتی هەر چوار رۆژەکە، “45 تۆن زبڵ و خاشاک بووە”.
ئەمڕۆ چوارشەممە 19.6.2024، بەڕێوەبەرایەتی ئەندازەی پارکەکانی هەولێر لە راگەیەندراوێکدا ئاماری هەر چوار رۆژی جەژنی قوربان سەبارەت بە زبڵ و خاشاک و رێژەی گەشتیار و ئاودان بە تانکەر بڵاوکردەوە.
-
ڕۆژانە زیاتر لە 10 تۆن زبڵ و خاشاک فڕێدراوە لەسەرجەم پارکەکان.
-
ئاماری هەر چوار رۆژی جەژن زیاتر لە 45 تۆن زبڵ خاشاک فڕێدراوە.
-
رێژەی گەشتیار بەراورد بە پار ساڵ زۆر زیاتر بووە.
-
ئەم ساڵ پارکی شار 95%ی گەشتیار روویان لەو پارکر کردووە.
بە گوێرەی راگەیەندراوەکە، هەریەک لە پارکەکانی، (شانەدەر، منارە، کانیاو، گلکند، هەوار، خانزاد، پەپولە، پێشمەرگە و قوتابیان) رێژەیەکی یەکجار زۆر گەشتیار سەردانی ئەو پارکانەی کردووە.
هەر بەگوێرەی ئەندازەی پارکەکانی هەولێر، لە رۆژی سێیەمی جەژنی قوربان 37 تانکەری ئاودان کاری کردووە لە پاڕک و دوورگە ناوەندیەکان، لە رۆژی چوارەمی جەژنی قوربان ژمارەی تەنکەرەکان زیاتر بووە و گەیشتووەتە 47 تانکەری ئاودان، کە کاریان کردووە لە تەواوی سنووری سەرۆکایەتی شارەوانی هەولێر.