"خەڵک هۆشیار دەکەینەوە"
کەرکوک رێڕەوی پایسکیلی دانا
964+
ئەحمەد مستەفا
لەسەر بەشێک لە شەقامە گشتییەکانی کەرکوک رێڕەوی پایسکیل جیاکرایەوە و “بە رەنگی شین و کێشانی وێنەی پایسکیل” لە ئۆتۆمبیلەکان رێگاکەیان جیاکرایەوە.
شارەوانیی کەرکوک ئەمڕۆ چوارشەممە 19.6.2024 بڵاویکردەوە، “یەکەی ئەندازەی هاتوچۆی بەڕێوەبەرایەتیی شارەوانیی کەرکوک دەستیکرد بە دانانی هێما و ستونی پلاستیکی بۆ جیاکردنەوەی رێڕەوی پایسکیلسوارەکان لە رێڕەوی ئۆتۆمبێلەکان”.
ئاماژەی بەوەشکردووە، “تیمەکانیان هەڵسان بەشوشتنی شەقامەکان و پاککردنەوەی وەک ئامادەکارییەک بۆ چالاکیی ماراسۆنی پایسکیلسواران، کە ئەمڕۆ کاتژمێر 9:00ی شەو دەست پێدەکات، بە مەبەستی هۆشیارکردنەوەی خەڵک سەبارەت بە هێڵکاریی شەقامەکان”.
دیمەنی رێڕەوە دانراوەکانی پایسکیل: