ئاگرەکەی شارباژێڕ
لە بەرەبەیانەوە دەسووتێت
ئاگرەکەی ماوەت تا دێت تەشەنە دەسێنێت
964+
دیلان محەمەد جەزا
لە بەرەبەیانەوە ئاگر لە گوندەکانی ماوەت کەوتووەتەوە و بەهۆی بەهێزی باوە تا بێت ئاگرەکە زیاتر تەشەنە دەسێنێت.
ئیبراهیم حەمەئەمین، سەرۆکی شارەوانی ماوەت بە 964ـی راگەیاند، ئاگرەکە لە گوندی گەماڵان کەوتووەتەوە و بەرەو گوندی سەفرە و بەر گوند تەشەنەی سەندوە، تا بێت بەهۆی بەهێزی باوە زیاتر تەشەنە دەسێنێت.
باسی لەوەکرد، ناوچەکە شاخاوی و سەختە کۆنتڕۆڵکرنی ئاگر تیایدا ئەستەمە، دەزگا پەیوەندیدارەکانی ناوچەکە سەرجەمیان لە هەوڵی ڕێگرین لە تەشەنە سەندنی زیاتری ئاگرەکەن بە هاوکاری خەڵکی ناوچەکە.
ئەوەی خستەڕو، ئێستا هەوڵەکان بۆ ئەوەن ئاگرەکە نەگاتە ماڵەکان و زیان بە هاوڵاتیان نەگات، بەهۆی بەردەوامی ئاگرەوە ڕێژەیەکی زۆر داری سروشتی سوتاوە.
پێداچوونەوە: هاوبەش