گووگڵ 12 هەزار کارمەندی خۆی دەنێرێتە ماڵەوە

+964
عادل کانەبی

کۆمپانیای ئەلفابێت خاوەنی کۆمپانیای گووگڵ رایگەیاند کە نزیکەی 12 هەزار هەلیکار لە سەرانسەری جیهاندا کەمدەکاتەوە وەک کاردانەوەیەک بۆ بارودۆخی ئابووری.

سوندار پیچای، بەڕێوەبەری جێبەجێکاری کۆمپانیای ئەلفابێت کە خاوەنی کۆمپانیای گووگڵە لە رێگەی یاداشتێکەوە کارمەندانی گووگڵی ئاگادارکردەوە، کۆمپانیاکە 12 هەزار کارمەند کەمدەکاتەوە، ئەم کەمکردنەوەیەش بەشی جیا جیا دەگرێتەوە لە کۆمپانیاکە.

کەمکردنەوەی کارمەند لە کۆمپانیاکانی تەکنەلۆژیا لە ئەمریکا بووەتە نەریتێک بەو پێیەی کە بەشێکی زۆری کۆمپانیاکان دەستیانکردووە بە پشتبەستن بە زیرەکی دەستکرد.

سوندار لە یاداشتەکە وتیشی “من متمانەی تەواوم بە زیرەکی دەستکرد هەیە چونکە ئێمە کۆمپانیایەکی تەکنەلۆژین دەتوانین زیاتر سوود لە زیرەکی دەستکرد لە بەرهەمەکانماندا وەربگرین”.

شایەنی باسە کە لە کۆتایی مانگی ئەیلولی 2022 کۆی گشتی کارمەندانی کۆمپانیای گووگڵ لە سەرانسەری جیهان نزیکەی 187 هەزار کەس بووە.