گه‌رمای گه‌رمیان تینی بۆ هێناون
هاوڵاتیانی دوزخورماتوو له ئاوێكی پیس و مه‌ترسیدار مه‌له ده‌كه‌ن
964+
سیروان خورشید – دوزخورماتوو
لەگەڵ بەرزبوونەوەی پلەکانی گەرما لە قەزای دوزخورماتوو، هەروەها نەبوونی مەلەوانگەیەکی لەبار بۆ گەنجانی قەزاکە، هەموو ساڵێک گەنجان بۆ خۆ فێنککردنەوە لەم وەرزەدا روو دەکەنە پڕۆژەی ئاوی قەزاکە و مەلەدەکەن، بەڵام ئاوەکە پیسە و مەترسیداریشە.
لە قەزاکەدا یەک مەلەوانگە هەیە، بەڵام گەنجان دەڵێن هیچ مەرجێکی تەندروستی تێدا نییە.
سەرەڕای ئەوەش گەنجان لە پڕۆژەی ئاوی قەزاکەدا مەلە دەکەن، کە ئەویش هیچ مەرجێکی تەندروستی تێدا نییە و ساڵانە چەندان حاڵەتی خنکان لەوێدا روودەدەن.
گەنجان و هاوڵاتیانی دوزخورماتوو داواکارن لە لایەنی پەیوەندیدار مەلەوانگەیەکیان بۆ دروست بکەن، یان هیچ نەبێ لە پڕۆژەی ئاوەکەدا مەرجی تەندروستی و سەلامەتییان بۆ دابین بکەن، تا بەبێ مەترسی لەو گەرمایە هاوینەی ئەوێدا مەلە بکەن.
پێداچوونەوە: سۆما حەکیم زادە
هۆشدارى تووند ده‌درێته شوێنه گه‌شتیارییه‌كانى چۆمان
