پاککردنەوەى قەڵاتى هەولێر لەلایەن تیمەکانى شارەوانییەوە...وێنە: شارەوانى هەولێر
لە گژوگیاى وشکبوو
سەر و ژێرى قەڵاى هەولێر پاککرایەوە
964+
وریا فەتاح
تیمەکانى شارەوانیى هەولێر بەردەوامن لە هەڵمەتى پاککردنەوە و لەناوبردنى گژوگیاى وشکبووى شەقام و شوێنەکانى هەولێر، سەر و ژێرى قەڵاى هەولێریش پاککرایەوە.
شارەوانیى هەولێر بڵاوى کردەوە، بە 40 ئامێرى گیابڕ و 50 کارمەند، گژوگیاى وشکبووى دەوروبەرى قەڵاى دێرینى هەولێر پاککرایەوە.
هەڵمەتەکە بۆ جوانکردنى سیماى قەڵات و پاراستنییەتى لە ئاگر و سووتان، بۆیە بڕیارە لە ماوەى یەک هەفتەدا بە تەواوی لە گژوگیاى وشکبوو پاکبکرێتەوە.
دوێنێ هەینیش تیمەکانى شارەوانى، ژێر دارەکانى بەشى خوارەوەى قەڵاتى هەولێریان پاککرەوە و سەدان گوڵى قەدیفەیان لە ناو بازاڕ و ژێر قەڵاتدا چاند.
