سینەماکارێک دیزاینى کردبوو
ڤێلاکانى شاخى گۆیژە پڕۆژەى هەشتەمین سەرسوڕهێنەرى جیهان لەناو دەبات
964+
دیلان محەمەد جەزا
پڕۆژەی دروستکردنی ڤێلاکانی سەر گردەکانی بناری گۆیژە پڕۆژەی سینەماکارێکی لەناو بردوە، ئەو سینەماکارە دەڵێت، گەر پڕۆژەکەی جێبەجێ بکرێت ملیۆنان گەشتیار روولە سلێمانی دەکەن و پڕۆژەکەش دەبێتە هەشتەم سەرسوڕهێنەرى جیهان.
هاوار مستەفا خان، سینەماکار و خاوەنى پڕۆژەکە بە 964ـى وت، پڕۆژەیەکی لە ساڵانی رابردودا بۆ پێنج گردەکەی بناری گۆیژە بە زارەکی پێشکەش کردوە، کە دروستکردنی چوار قەڵا و دروستکردنی پەیکەرێک بوە بۆ هونەرمەند یەڵماز گونای.
“چوار قەڵاکە ناوى چوار ژنى هەر چوار پارچەى کوردستانى لێنراوە کە بەشی سەرەوەی قەڵاکان بە شێوازێکی کۆن دیزاین دەکران و لە ناوەوە رێستۆرانت و سینەما و چەندین جێگەی ئاهەنگێڕانی ئاهەنگێڕان لەخۆى دەگرێت”، هاوار مستەفاخان واى وت.
لە بارەى پەیکەرى یەڵماز گۆناییەوە ئاشکراى کرد کە بەزرییەکەى لە سەرووى گردەکەوە 100 مەترە و لە ناوەوە پەیکەرەکە 100 هەزار کەس لە یەک کاتدا لەخۆى دەگرێت و کافێى و رێستۆرانتى تێدایە و دەکەوێتە سەر هەورەکانەوە.
پێداچوونەوە: وریا فەتاح
