دهۆک
دووبارە لە بازاڕى چەلێ ئاگرکەوتەوە
964+
زەید کۆچەر- دهۆک
کەمێک پێش ئێستا، ئاگر لە بازاڕى (چەلێ)ـى شارى دهۆک کەوتەوە و لەئێستادا تیمەکانى بەرگرى شارستانى لەوێن و سەرقاڵى کۆنتڕۆڵکردنى ئاگرەکەن.
بەپێى زانیارییەکانى پەیامنێرى 964، ئاگرەکە لە کۆگایەکى بازاڕەکە کەوتووەتەوە کە جلوبەرگى عەباى ژنانیان فرۆشتووە، بەڵام بەزوویى تیمەکانى بەرگرى شارستانى گەیشتوونەتە شوێنى رووداوەکە و کۆنتڕۆڵیان کردووە.
“هەرچەندە تائێستا هۆکارى ئاگرەکە نازانرێت، بەڵام بەپێى لێکۆڵینەوە سەرەتاییەکان شۆرتى کارەبا بووە”، بێوار عەبدولعەزیز، وتەبێژى بەرگرى شارستانى دهۆک واى بە 964 وت.
دەشڵێت: لە رووداوەکەدا جگە لە زیانى مادى هیچ زیانێکى گیانى لێنەکەوتووەتەوە.
ئەو ئاگرە لە کاتێکدایە کە بەرەبەیانى رۆژى 1.4.2024، ئاگر لە بازاڕى چەلێ کەوتەوە و زیانێکى گەورەى لە بازاڕەکە و دواکاندارەکاندا.
دوکاندارانی بازاڕی چەلێی دهۆک تا ئێستا قەرەبوو نەکراونەتەوە
پێداچوونەوە: وریا فەتاح