دیمهنێكی دهرهوهى مۆزه‌خانه‌ى لۆڤه‌ر له وڵاتى فهڕهنسا ... وێنه: thelevantnews
پڕۆژه‌ى وه‌به‌رهێنانه بۆ شوێنه‌وار
سێ مۆزه‌خانه‌ى هاوشێوەی لۆڤه‌ر لە هه‌رێمى كوردستان دروست دەکرێن
964+
فه‌رهاد حه‌سه‌ن
بڕیاره له چه‌ند شارێكی هه‌رێمی كوردستان سێ مۆزه‌خانه‌ی شوێنه‌وارى هاوشێوه‌ى مۆزه‌خانه‌كه‌ى لۆڤه‌ر له پاریس دروست بكرێن، شوێنه‌وارى هه‌رێمیش ده‌ڵێت، پڕۆژه‌كه وه‌به‌رهێنانه و بۆ شوێنه‌وار دروست ده‌كرێت.
بەپێی نووسراوێک كه وەزیری شارەوانی و گەشتوگوزار بۆ به‌ڕێوه‌به‌رایه‌تى گشتى شوێنه‌وارى ناردووه، ئاماژە بە ناوەڕۆکی نووسراوێكی دەستەی وەبەرهێنان كراوه و داواکراوە کاری پێویست و تایبەت بە دروستکردنی پڕۆژەی مۆزەخانەی گەورەی شوێنەوارى بكرێت.
كه‌یفی مسته‌فا، بەڕێوەبەری گشتی شوێنەوار و کەلەپووری هەرێم به 964ـى راگه‌یاند، سەرقاڵی ئامادەکردنی پرۆپۆزەڵی سەرەتایین بۆ دروستکردنی مۆزەخانەکان.
وتیشی،”مۆزەخانەکه بەپێی ستاندەرە جیهانییەکان له هه‌ر سێ شارى هه‌ولێر، سلێمانى و دهۆك دروستده‌كرێت”.
964 ده‌زانێت لەو سێ شاره‌ى هه‌رێمی كوردستان، سێ مۆزه‌خانه‌ى تایبه‌ت هه‌ن به مێژوو و شوێنه‌وار و هەزاران پارچە و کەلوپەلی شوێنەواری جۆروجۆریان لێ كۆكراوه‌ته‌وه كه مێژووه‌كانیان بۆ سه‌رده‌مانى جیاواز ده‌گه‌ڕێته‌وه.
