ئەمڕۆ زۆرترین وەزارەت و دەستە موچەی مانگی چوار وەردەگرن

964+

توانا نەقی

ئەمڕۆ پێنجشەممە بە پێی ئەو لیستەی وەزارەتی دارایی بڵاویکردووەتەوە زۆرترین وەزارەت و دەستە موچەی مانگی چوار وەردەگرن کە پێکهاتووە لە 12 شوێن.

بە پێی لیستەکە هەریەک لە وەزارەتەکانی تەندروستی، کار و کاروباری کۆمەڵایەتی، دارایی و ئابوری، ناوخۆ، دەستەکانی مافی مرۆڤ، دەستپاکی، ژینگە، وەبەرهێنان، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن و دیوانی چاودێری موچە وەردەگرن.

دوێنێ چوارشەممە وەزارەتی دارایی و ئابوری هەرێم لیستی موچەی مانگی چواری بڵاوکردەوە و تا رۆژی دووشەممە 20.5.2024 سەرجەم وەزارەت و دەستەکان موچە وەردەگرن جگە لە چەند شوێنێک کە ناویان لە لیستەکەدا نییە.

ئەو شوێنانەی کە لە لیستەکەی وەزارەتی دارایی ناویان نییە پێکهاتوون لە وەزارەتی پێشمەرگە و لیواکانی، ئەنجومەنی ئاسایش ، دەزگای ئاسایش، زێرەڤانی و بەرگری فریاکەوتن، یەکەکانی 70 و 80 و پۆلیسی دامودەزگا نەوتییەکا.

لیستی موچەی مانگی چوار راگەیەندرا