وێنەی نوسەرو سیاسەتمەدار کامیل ژیر. وینە.سۆشیال میدیا
کامیل ژیر
نوسەر و سیاسەتمەدارێکی کورد کۆچی دوایی کرد
64+
توانا نەقی
بەیانی ئەمڕۆ سێشەممە، لە ماڵەکەی خۆیدا لە سلێمانی نوسەر و سیاستەمەداری دیاری کوردستان کامیل ژیر لە تەمەنی 90 ساڵی بە نەخۆشی کۆچی دوایی کرد.
شوان هیوا برازای کامیل ژیر بۆ 964 وتی، ساڵانێکی زۆرە مامی نەخۆشە و لەسەر جێگەیە، بەرەبەیانی ئەمڕۆ کۆچی دوایی کردووە و هەر نیوەڕۆی ئەمڕۆ تەرمەکەی لە گردی سەیوان بەخاک دەسپێردرێت.
کامیل ژیر لەساڵی 1934 لەدایکبووە و جگەلەوەی نوسەر و سیاسەت مەدارێکی دیار بووە، لەهەمانکاتدا شاعیر و پارێزریش بووە.
ئەندامی حزبی شیوعی عێراقی بوە لە ساڵانی 1948 بۆ 1958، هەروەها دامەزرێنەرو ئەندامی سەرکردایەتی کۆمەڵەی ئازادی و ژیانەوە و یەکێتی کورد (کاژیک) بووە.
کامیل ژیر ساڵی 2004 لە دامەزرێنەرانی کۆڕی سەربەخۆیی کوردستان بووە، سەرپەرشتیاری گۆڤاری ھیوا بووە ھەروەھا سەرپەرشتیاری رۆژنامەی سەربەخۆیی ئۆرگانی پاسۆک بوە، ساڵی 1974 بۆ 1975 دادوەر و پشکنەری داد بووە لە شۆڕشی ئەیلول.
