لە هەولێر
بەهۆی کەوتنەوەی ئاگر ژنێک گیانی لەدەستدا
964+
فەهمی نەبی
بەرگری شارستانی هەولێر رایگەیاند، ئەمڕۆ بەهۆی سووتانی ماڵێک لە گوندی گردەڕەشەی گەورە ژنێکی تەمەن 22 ساڵە سووتا و گیانی لەدەستدا.
سیراج تەیفور، وتەبێژی بەرگری شارستانی هەولێر بە 964ی راگەیاند، ئاگرەکە کاتژمێر 10:40 خولەک کەوتوەتەوە و کە تیمەکان گەیشتوون ژنەکە گیانی لەدەستدابوو، هێشتا هۆکاری کەوتنەوەی ئاگرەکە نازانرێت و لێکۆڵینەوەکان بەردەوامن.
ئەوەشی وت، ئەو ژنە لەدایکبووی 2002 بووە، بەهۆی کەوتنەوەی ئاگر لە ماڵێک گیانی لەدەستداوە.
