ماستەکە لەکاتی لەنێوبردن. فۆتۆ: تەندروستی چەمچەماڵ
بە قاچاخ هێنراوە
لە چەمچەماڵ دەستگیرا بەسەر زیاتر لە سێ تۆن ماستدا
964+
ژووری هەواڵ
لە چەمچەماڵ دەستگیرا بەسەر نزیکەی سێ تۆن و نیو ماستدا کە کەسێک ویستویەتی بەشێوەی قاچاغ و بەبێ پشکنین و مەرج و رێنماییە تەندروستییەکان و بەبێ مۆڵەتی وەزارەتی تەندروستی بیهێنێتە بازاڕی چەمچەماڵ بەمەبەستی ساغکردنەوە.
ئەمڕۆ یەکشەممە 28.4.2024، تەندروستی چەمچەماڵ رایگەیاند، لیژنە هاوبەشەکانی قایمقامیەتی قەزاکە و چاودێری تەندروستی دەستیانگرتووە بەسەر 180 سەتڵ ماستی 18 کیلۆییدا کە دەکاتە سێ تۆن و سێ تۆن و 240 کیلۆ و دوای دەستبەسەرداگرتن، هەموو ماستەکەیان لەنێوبردووە.
ماستەکە لەسەری نوسراوە “ماستی هەولێر”، بە وتەی د. شەریف رەحیم، جێگری بەڕێوەبەری تەندروستی چەمچەماڵ بۆ 964، لە رێگەی قەرەنجیرەوە هێنراوەتە چەمچەماڵ و بە بازگەکاندا تێنەپەڕیوە.
“شێوازی هەڵگرتنی ماستەکە گونجاو و تەندروست نەبووە، رێکاری هێنانەکەشی نایاسایی بووە”، جێگری بەڕێوەبەری تەندروستی چەمچەماڵ وای وت.
