سودانى: دەمانەوێ پەیوەندییەکى درێژمان لەگەڵ ئەمەریکا هەبێت
بایدن: پەیوەندى ئەمەریکا و عێراق گرنگە و ئێمە هاوبەشەکانمان دەپارێزین
964+
وریا فەتاح
سودانى و بایدن لە کۆشکى سپى کۆبوونەوە و دواتر بە قسەکردن بۆ میدیاکان ناوەڕۆکى کۆبوونەوەکانیان خستەڕوو، کە جەختکردنەوەبوو لە هاوبەشى و پەیوەندییەکانى هەردولا.
لە دەستپێکدا، جۆ بایدن، سەرۆکى ویلایەتە یەکگرتووەکانى ئەمەریکا وتى،”سەربازەکانى عێراق و ئەمەریکا پێکەوە شکستیان بە داعش هێنا، بۆیە پەیوەندى نێوان عێراق و ئەمەریکا گرنکە هەم بۆ خۆمان و هەموو بۆ دەرەوەى خۆمان”.
سەرۆکى ئەمەریکا پابەندى وڵاتەکەى بۆ هێزە هاوبەشەکانیان دەربڕى و باسى لەوەکرد، لە عێراقدا پابەندین بە پاراستنى هاوبەشەکانمان.
لاى خۆیەوە، محەمەد شیاع سودانى وتى،”لەسەر بنەماى رێککەوتنی ستراتیژی لە پەیوەندییەکى بەردەوامداین بۆ هاوپەیمانییەکى دورو درێژ لەگەڵ ئەمەریکا، پەیوەندییەک لەسەر بنەماى سیاسى و ئابورى و سەربازى کە لە چوارچێوەى ریککەوتنى شتراتیژى دابڕێژرێت”.
جەختیش دەکاتەوە، شەڕى دژ بە داعش بنچینەیەک بوو بۆ مامەڵەى نێوان عێراق و ئەمەریکا.
سەرۆک وەزیرانى عێراق باسى لەوەشکرد، ئەمڕۆ عێراق بەرەو باشتربوونەوە دەڕوات و گەشەپێدان و ئاوەدانى بەخۆیەوە دەبینێت.