دیمەنی قەزای کۆیە - وێنە: Social Media
دانیشتنێکی حکومەتی ماوە
شارەوانی کۆیە: بڕیاری تاپۆکردنی زەوییە بێتاپۆکان لەکۆتاییدایە
964+
ژووری هەواڵ
سەرۆکایەتی شارەوانی کۆیە رێکارە یاسایی و هونەرییەکانی تەواو کردووە بۆ ئەوەی دەستبکرێت بە تاپۆکردنی زەوییە سندوقییەکان و خانووە بێ تاپۆکانی سنوورەکە.
ئەمڕۆ یەکشەممە 7.4.2024، محەمەد میر حاج، سەرۆکی شارەوانی کۆیە بە 964ـی راگەیاند، تاپۆکردنی زەوییەکان یەک دانیشتنی ئەنجومەنی وەزیرانی ماوە و لە کۆتاییەکانی کارکردنییەتی.
لەبارەی ژمارەی ئەو خانو و زەوییانەی تاپۆ دەکرێن، سەرۆکی شارەوانی وتی، “دوای پەسەندکردنی نەخشەی ئەو شوێنانە دەردەکەوێت” دەکەونە تەواوی سنووری کۆیە.
شارەوانی کۆیە هۆشداریشدەدات لەبارەی زیادەڕۆیی لەلایەن هاوڵاتییانەوە و دەڵێت، هەر کەسێک کەوا زیادەڕۆیی ئەنجام بدات رووبەرووی یاسا دەکرێتەوە.
“[خاوەنی زیادەڕۆییەکە] خۆی و هەموو ئەو کەسانەی کەوا هاوکاری بوون لەو زیادەرۆییە، هەر لەو کەسەی زەوی پێ فڕۆشتووە، ئەو کەسەی مەوادی پێ فرۆشتووە، ئەو شوێنە و ئەو وەستا و کرێکارەی ئیشی بۆ کردووە سزاکەی بەند کردنیانە تا تێکدانی زیادەرۆییەکە و پێبژاردنی قورس”، شارەوانی کۆیە وا دەڵێت.
