نەورۆزی کۆیە تەنیا ئاگرکردنەوەیە

964+

پێشەوا محەمەد

ئەمساڵ نەورۆز لە کۆیە زۆر گەرموگوڕ نابێت، قایمقامەکەی دەڵێت، بەهۆی مانگی رەمەزانەوە تەنیا فریای ئاگرکەوتنەوە دەکەون.

ئەمڕۆ چوارشەممە 19.3.2024 قایمقایەت و یەکە ئیدارییەکانی کۆیە بڕیاریان داوە تەنیا لە کاتژمێر 5:30 خولەکی ئێوارەی 20.3.2024 لە بەردەم قشڵەی کۆیە ئاگر بکەنەوە و تەنیا بەوەش یادی نەورۆز بکەنەوە.

تارق حەیدەری، قایمقامی قەزای کۆیە بە 964ـی راگەیاند، بەهۆی مانگی رەمەزانەوە فریای هیچی دیکە ناکەون، چونکە نەورۆز و ئاگرەکەی دەمەو ئێوارەیە و نایانەوێت کاتی ئاگرکردنەوەکە درەنگتر بێت و دوای بخەن.

ساڵانی رابردوو لە کۆیە بە کەرناڤاڵ یادی جەژنی نەتەوەیی نەورۆز بە بەشداریی چەندین دامەزراوەی حکومی و رێکخراو و گرووپ دەکرایەوە.

قایمقامی کۆیە وتیشی، “ئەو بڕیارەی ئێمە بۆ رێزگرتنە لە مانگی رەمەزان و سەرقاڵبوونی هاوڵاتیان بەو مانگە ئایینییە و پەرستشەکانی”.

کۆیە لە ساڵی 1918 کراوە بە قەزا و بە دووری 70 کیلۆمەتر دەکەوێتە خۆرهەڵاتی شاری هەولێر و 180 گوندی لەسەرە.

گەنمە زستانییەکەی کۆیە سەرکەوتوو بوو