دیمەنێک لە یاریی رابردووی نێوان دۆرتموند و ئایندهۆڤن. فۆتۆ: X
دوو یاریی یه‌كلاكه‌ره‌وه
ئه‌مشه‌و قۆناغی 16ی چامپیۆنزلیگ كۆتایی دێت
964+
ئه‌رسه‌لان عه‌بدوڵا
له یارییه‌كانی گه‌ڕانه‌وه‌ی قۆناغی 16ی چامپیۆنزلیگی ئه‌وروپا، ئه‌مشه‌و دوو یاری له كاتژمێر 11:00 به یه‌كه‌وه ده‌ستپێده‌كه‌ن.
یانه‌ی بۆروسیا دۆرتموندی ئه‌ڵمانی له یاریگه‌ی خۆیدا رووبه‌ڕووی یانه‌ی ئایندهۆڤنی هۆڵه‌ندی ده‌بێته‌وه.
یاریی چوون به گۆڵێك بۆ هه‌ر لایه‌ك كۆتایی هات و ئه‌مشه‌و دۆرتموند له ناو یاریگه و هانده‌رانی رووبه‌ڕووی تیپه هۆڵه‌ندییه‌كه ده‌بێته‌وه و چاوی له‌وه‌یه بگاته قۆناغی هه‌شت.
له یارییه‌كی دیكه‌شدا هه‌ردوو یانه‌ی ئاتلێتیكۆ مه‌درید و ئینته‌رمیلان له ئیسپانیا یاریی ده‌كه‌ن.
له یاریی چووندا ئینته‌رمیلان به گۆڵێك بردنه‌وه‌ی تۆمار كرد، بۆیه ئه‌مشه‌و رووبه‌ڕووبوونه‌وه‌كه زۆر قورس ده‌بێت و ئاتلێتیكۆ مه‌درید پێویستی به دوو گۆڵه، بۆ ئه‌وه‌ی بگاته قۆناغی داهاتوو.
به ته‌واوبوونی ئه‌م دوو یارییه، قۆناغی 16 كۆتایی دێت و تا ئێستا یانه‌كانی “ریال مه‌درید، پاریس سانجێرمان، مانچێسته‌ر سیتی، ئارسیناڵ، بارسێلۆنا و بایرن میونشن” گه‌یشتوونه‌ته قۆناغی هه‌شتی پاڵه‌وانیه‌تییه‌كه.
رۆژی هه‌ینیی داهاتووش تیروپشكی قۆناغی هه‌شت راده‌كێشرێت و چاوه‌ڕێ ده‌كرێت یاریی زۆر به‌هێز بكه‌وێته‌وه.
