پابەند کراون
قەسابێک دەڵێت تەنیا لە کەرکوک نرخی گۆشت هێندە هەرزانە
964+
كاروان ساڵحی – كەركوك
لیژنەیەکی چاودێری بازار لە شاری کەرکوک نیازیان هەیە هەموو بازاڕی شارەکە بگەڕێن بۆ ئەوەی رێگری بکەن لە بەرزبوونەوەی نرخی گۆشت و خۆراک لە مانگی رەمەزاندا، ئەمڕۆ چوارشەممە ئەو لیژنەیە چەندین گۆشتفرۆشی شارەکەیان بەسەر کردوەتەوە، بەڵام گۆشتفرۆشەکان گلەییان هەیە.
هیوا ئەحمەد، یەکێکە لە قەسابەکانی شاری کەرکوک بۆ 964 قسەیکردووە دەڵێت: نرخی گۆشت تەنیا لە کەرکوک هەرزان کراوە، ئێمە هیچ دەسەڵاتێكمان نییە، پێویستە لیژنەكان سەردانی مەیدانی ئاژەڵان بكەن، بۆرسەی فرۆشتنی ئاژەڵ لە شاری هەولێرە و نرخەکان جێگیر نین، وابڕوات لە كەركوك گۆشتی سوور گرانتر دەبێت، چونكە رۆژانە بازرگانەكانی بەغدا بە بارهەڵگر دێن ئاژەڵ دەبەن بۆ بەغدا و نرخی كیلۆیەك بە 24 هەزار دەفرۆشن.
ئەو لیژنەیە جگە لەچاودێری نرخ، دەستیانگرتووە بەسەر مریشکی بەستوو و خۆراکی خراپ بوو لەچەند مارکێتێکی شاری کەرکوک.
کوردستان نرخی گۆشتی لە دیاربەکریش گران کردووە
